Estatutos do Club
21 May 2010 , Comentarios desactivados
OBRIGAS DOS SOCIOS
Os socios do Club comprométense a:
- A respectar e protexer a natureza, e non desenvolver actividades que a prexudiquen
- A respectar as normas de tráfico e manter unha condución que non poida causar danos a terceiros nin ó nome do Club.
- A utilizar o casco protector de forma obrigatoria .
- A utilizar o uniforme oficial do Club en todas as actividades nas que participe, sexan ou non organizadas polo Club. Cada socio deberá mercar obrigatoriamente a camisola do citado uniforme no seu ingreso, ou ben na primeira ocasión na que se poña á venda roupa do Club.
- A aboar o importe das cotas de socio na forma e prazos establecidos pola xunta directiva. Actualmente a cota é de 50 euros ó ano e nela vai incluído o importe da licenza federativa , efectuándose o pagamento antes de finalizar o mes de febreiro. A demora no pagamento das cotas nun período dun mes, dará lugar a unha carta informativa do Club desta situación, e a baixa no mesmo, en caso de non facela efectiva nun prazo de quince días. Os ingresos faranse na conta do Club.
- A tramitación da Licenza na Federación Galega de Ciclismo é obrigatoria . O Club facilitará os impresos e toda a información que se poida precisar para a súa tramitación.
- A participar e colaborar en todas as actividades organizadas polo Club, ben sexan de carácter ,exclusivo para os socios ou ben sexan dirixidas ó público en xeral.
- A acatar cantas disposicións dite a Asemblea Xeral, a xunta directiva ou os membros da mesma, para o bo goberno do Club.
- Os socios poderán ser dados de baixa:
- cando as súas conduta se fixese incompatible cos principios que informan ó Club, ou cando cometesen algún acto lesivo ós intereses ou bo nome do mesmo.
- incumprimento das obrigas que impoñen os Estatutos ou dos acordos adoptados pola Asemblea ou xunta directiva.
- a petición propia, mediante escrito dirixido á directiva.
- Os acordos de baixa serán tomados pola xunta directiva. Ante dita decisión poderá solicitarse recurso nun prazo de quince días naturais. Unha vez efectuado este, a xunta directiva pronunciarase e a súa decisión será inapelable.
- O número de socios será ilimitado, a xunta directiva poderá suspender, porén, a admisión de novos socios cando así o esixan razóns de operatividade do Club.
|
DEREITOS DOS SOCIOS
Os socios do Club teñen dereito a:
- Contribuír e participar en todas as actividades organizadas polo Club, ou nas que este participe como tal.
- Separarse libremente do Club.
- Coñecer as actividades do Club e examinar a súa documentación, previa petición á xunta directiva.
- Exijir que o Club se axuste ó disposto pola Secretaría Xeral para ou Deporte da Xunta de Galicia.
- Expor libremente no seo do Club, e participar en todas as reunións deste, agás aquelas nas que unicamente participe a xunta directiva.
- Ser elector e elixible para os órganos de representación e goberno do Club, sempre que teña plena capacidade de obrar.
|
