Recén saido do forno, servimos o Programa de Xuño despois dos cambios de última hora na cociña….

Como aperitivo para todos aqueles que queiran retirar o “L” da súa bicicleta non poden desaproveitar a ocasión do 5 de  xuño para darlle unha boa dentada o  Monte Xesteiras, cúmio principal do Occidente galego.

Os entrantes do menú consistirán en que o Club Ultreia asumirá o Desafío do Candán como propio para o 12 de xuño, despois de que a organización suspendera esta proba por falta de inscriccións.

O prato principal degustarémolo o fin de semana do 18 e 19 de xuño. O sábado os ciclistas que o desexen poderán catar a II marcha btt “Río Ulla” de Touro e así abrir boca para a degustación das fermosas paisaxes da   marcha do club “Tres Picos do Barbanza” durante a mañá do domingo.

Como sobremesa reservamos a clásica “Via Pública Bergantinis” que na súa 11ª edición unirá Compostela con Malpica seguindo o trazado dos camiños medievais para rematar coa tradicional caldeirada o sábado 25 de xuño.

Por se alguén lle quedase un oco no bandullo pode acudir o primerio sábado de xullo  á ” Marcha MTB de O Bierzo” con varias opcións de quilometraxe pero lembrando que a inscricción remata o 2 de xuño !!!!!

Bo proveito.

Máis Información: XUÑO 2011

Esta maña de domingo o entorno da catedral arrecendía a ambiente ciclista polo número de “bicigrinos” , na maioría “beteteros” portugueses, que se abrían paso  entre a xente.

Nembragantes naquel rebumbio, un miudo ciclista con fisonomía que lembra a de Pantani destacaba sen pretendelo entre os acampados, as bicicletas amoreadas e os paseantes. Acababa de rematar o Camiño de Santiago  sen paradas en vintesete horas e media superando o reto proposto de conquerilo en menos de 35. Chámase David López, valenciano e enfermo de hepatite C, de feito a súa fazaña foi en favor da Asociación Española desta enfermidade para demostrar que a súa doenza non é un freo para afrontar retos deportivos de calqueira índole. Neste desafío foi acompañado por Julían Sanz, “ultracicling rider” e Campeón do Mundo do Tour Ultimate 2008. Sen quitarlle mérito ó protagonista, foi quen axudou a David a loitar contra o vento  da meseta e a subir o mítico Cebreiro na madrugada de hoxe. Foi un percorrido ininterrunpido de máis de 700 quilómetros desde as 7:10 do sábado ata as 10:45 desta mañá. Satisfeito polo logro conquerido, amosábase comunicativo e sen síntomas claros de fatiga nin de sono despois de cubrir a ultramaratoniana distancia. A miña vista, mentras o escoitaba, non deixaba de fixarse no sillón da súa bicicleta de estrada marca Carrera e na badana do  seu cullotte pero, para a miña sorpresa…eran normais!!!! Da súa montura tan só destacaban os acoples de triatleta e as luces de posición que lle axudaron no traxecto nocturno ademáis da  iluminación do coche de apoio. David non perdeu tempo en selar a credencial de peregrino pero comentou que rebaixaría o tempo empregado se non fora pola entrevista radiofónica da que foi protagonista nas proximidades de Compostela. Antes de despedirnos animeino a repetir para o próximo ano….Felicidades Campeóns!!!!

+ INFO:  Artigo

Al final, del Ultreia sólo participé Yo, porque Javier Espiñeira está dolorido de una rodilla. Me acompañó Manolo Clavero, mi vecino y colega de etrenamientos. También estaba mi amigo Testera de Vigo y un colega suyo..CONTINUA..Soplao

Os bos desexos para os nosos representantes na maratoniana proba de Cantabria fixéronse realidade.

Javier O. Espiñeira remata os 165 km no posto 515 en 9:42. Contaxiado polo impresionante ambiente rematou satisfeito  unha das probas “grandes”  do btt superando as dificultades que os calambres lle produxeron.

SuperBrandán acada o extratosférico  7º posto da xeral nunha proba que sempre lle resulta doada. Lembremos os seus postos, 1º (2007), 3º (2008), e 6º (2009). Esta é a súa crónica:

“A verdade e que non me esperaba este resultado despois de non poder entrenar nada no útimo mes, foron 15 dias antes da carreira entrenando a tope e a esperar se o corpo asimilaba ben a paliza… e parece que mellor do que pensaba.

Excelentes resultados obtidos polos corredores do Club Ultreia na derradeira xornada da Transgalaica 2011 celebrada onte en Sanxenxo.

De novo Brandán demostrou a súa calidade  deportiva ocupando 4º posto da clasificación xeral a pesares de non estar restablecido totalmente das lesións sufridas no accidente de Lanzarote.  Sensacional!!!! E un luxo contar con él no equipo.

Por detrás Angel Pais no posto 58 e Javier Otero Espiñeira no 59 completaron o duro percorrido en auténtica labor de “tandem” o que lles valeu para clasificarse en 4º e 5º lugar da categoría Open ainda que estamos seguros que podrían estar dez postos máis adiante na clasificación xeral segundo o seu estado de forma.

Os postos 83º e 84º foron para Cristóbal e Pablo Antorrena os cales consolídanse  cada vez máis neste tip0 de probas e auguran bos resultados para a próxima cita de maratón btt como é o desafío do  Candán do vindeiro 12 de xuño. Non por eso deben descoidarse pois Raúl entrou no próximo posto 87º clasíficandose primeiro da categoria master 50/60 e xa coñecemos  como pedalea o noso veterano compañeiro nas distancias longas.

Mágoa foi a imposibilidade de puntuar como equipo debido á caida de Pedro Delgado antes da saida. Agardamos que  para próximas edicións teñamos máis corredores con  licenza distinta da cicloturista para poder figurar na clasificación por clubs.

Enoraboa a todos !!!! e grazas a Sergio polas fotos.